D’Ausstellung „D’Lëtzebuerger Sprooch(en)“ versteet sech als Invitatioun, fir sech mat Sprooch a Sproochen auserneenzesetzen. Den Titel ass bewosst méideiteg a soll déi komplex Sproochesituatioun zu Lëtzebuerg erëmspigelen. D’Expo befaasst sech ë. a. mat den Theemaen: Méisproochegkeet, sproochlech Varietéiten, Geschicht, Sproochwandel a Lëtzebuergesch an der Literatur an an de Medien.

Den Zenter fir d'Lëtzebuerger Sprooch stellt eng kleng Wanderausstellung vir, éier se uechtert d'Land op den Tour geet. Dèi éischt Statioun ass d'Belle Etoile vum 12. bis den 22. Juli.

E Méindeg, den 19. Juni 2023, gouf de Lëtzebuerger Sproochatlas 1900 vun den Auteuren Alain Atten a Claude Schmit offiziell presentéiert. Et waren ëm déi 200 Leit op der Plaz. Villmools MERCI fir dee groussen Interessi!

Jiddereen, dee sech fir d'Lëtzebuerger Sprooch interesséiert, ass häerzlech wëllkomm. Hei geet et bei d'Umeldung. – D'Presentatioun vum Sproochatlas zielt och als Ifen-Formation.

Den ZLS interesséiert sech och fir d'Sprooch vun de Gemengewalen: Wann Dir Är Publikatiounen an elektronescher Form hutt, da mailt eis se wgl. op lod@lod.lu. Wann Der se just a gedréckter Form hutt, da schéckt eis se och gäre mat der Post op eis Adress. Virdrun awer wgl. den Dépôt légal an der BnL maachen. Merci am Viraus!

De GovTech Lab vum Ministère fir Digitaliséierung organiséiert an Zesummenaarbecht mam Service Information et Presse (SIP) a mam Zenter fir d’Lëtzebuerger Sprooch (ZLS) e kollaborativen Hackathon, deen iwwer zwee Deeg ofgehale gëtt.

📣 Nei Stickeren? Gehierlos! 🤩 Si se do? Sécher dat! 🎉 D'Blat ass nees strubbelvoll. Hei gesitt Der déi nei Abzebiller vum ZLS.

Hënt koumt et zu engem trageschen Tëschefall am Zenter fir d'Lëtzebuerger Sprooch. Den ZLS-Aquarium ass gebascht an Dausende vu Fësch sinn an de LOD-Serverraum gespullt ginn.

E Mëttwoch, den 22. Februar 2023 ëm 18 Auer goufen am Festsall vum Jongelycée um Lampertsbierg déi zwee éischt Laureate vun der neier Auszeechnung geéiert. Fotoandréck vun der Soirée vum Sophie Margue.

Am Mëttelpunkt vun der Soirée steet dat villfältegt Wierk vum beschtbekannte „Sproochmates“, dee viru Kuerzem mam Nationale Präis fir d’Verdéngschter ëm d’Lëtzebuerger Sprooch geéiert gouf. De Werkschau-Owend ass am Centre culturel et sociétaire „An der Eech“ zu Leideleng a gëtt organiséiert vum Cercle Culturel & Historique de Leudelange an Zesummenaarbecht mam Zenter fir d’Lëtzebuerger Sprooch. Den Entrée ass fräi.