Am Mëttelpunkt vun der Soirée steet dat villfältegt Wierk vum beschtbekannte „Sproochmates“, dee viru Kuerzem mam Nationale Präis fir d’Verdéngschter ëm d’Lëtzebuerger Sprooch geéiert gouf. De Werkschau-Owend ass am Centre culturel et sociétaire „An der Eech“ zu Leideleng a gëtt organiséiert vum Cercle Culturel & Historique de Leudelange an Zesummenaarbecht mam Zenter fir d’Lëtzebuerger Sprooch. Den Entrée ass fräi.

Am Kader vu Vältesdag gouf déi lescht Woch zesumme mat RTL no enger hypotheetescher Alternativ fir „ech hunn dech gär“ an „ech si frou mat dir“ gesicht: Heiansdo gëtt jo bedauert, datt et kee Verb gëtt, fir d’Gefiller vun der Léift, déi ee fir eng aner Persoun huet, auszedrécken.

Déi Aktioun war beileiwen net geduecht, fir déi geleefeg Ausdréck forcéiert ze ersetzen. Se hat awer de Meritt, fir ee Wuert an de Fokus ze stellen, dat nawell dacks am Gespréich ass, an zwar d’Verb liben.

Ob Miseler oder Minetter, Housener oder Veiner, Eechternoacher oder Réidener oder Stiets: Wann Dir nach e lokalen Dialekt schwätzt a gewëllt sidd, e puer Sätz virun enger Kamera ze soen, da mellt Iech wgl. bei eis.

Wann et eppes Neies vum Zenter fir d'Lëtzebuerger Sprooch (ZLS) oder am Lëtzebuerger Online Dictionnaire (LOD) gëtt, dann informéiere mir Iech. Déi al Newslettere kënnt Dir hei noliesen, op déi nei kënnt Dir Iech hei abonéieren.

Krich a Kris – déi Sujeten hunn 2022 bei der Wiel vum Wuert vum Joer dominéiert. Fir d'drëtt Kéier gouf op Initiativ vum Zenter fir d’Lëtzebuerger Sprooch (ZLS) an an Zesummenaarbecht mam Radio 100,7 an RTL Lëtzebuerg am Grand-Duché e Wuert vum Joer gesicht.

Déi nei Web-Applikatioun schreifmaschinn.lu erméiglecht eng automatesch Text-Transkriptioun. Den 9. Dezember 2022 huet den Educatiounsminister Claude Meisch deen neien Internetsite fir d’Lëtzebuerger Sprooch virgestallt. schreifmaschinn.lu mécht aus geschwatener Sprooch e geschriwwenen Text.

Wéi schonn an de leschte Jore sicht den Zenter fir d'Lëtzebuerger Sprooch zesumme mam Radio 100,7 a mat RTL Lëtzebuerg nees dat Wuert oder deen Ausdrock, deen dat aktuellt Joer am meeschte markéiert huet. Wien eppes proposéiert, kann och eppes gewannen. Dat lescht Wuert huet dann e Jury.

Dir sëtzt am Bus a kommt net op e Wuert? Dir sidd um Tour a wësst net, wéi ee Clemency op Lëtzebuergesch seet? Dir sidd am Restaurant a frot Iech, wat en Ziwwi ass? Da frot den LOD fir ënnerwee!

D'Bichelche mat den offizielle Reegele vun der Schreifweis am Lëtzebuergesche geet ewell an déi 5. Oplo a bleift gratis. Et gëtt et op de Walfer Bicherdeeg oder direkt beim ZLS (bestelle per E-Mail). Wat et soss nach um ZLS-SCRIPT-Stand op de Bicherdeeg gëtt, gitt Dir hei gewuer.

2022 gëtt den 150. Joresdag vun der Publikatioun vum Michel Rodange senger Déierefabel gefeiert. Dofir geet och de véierte Band vun der Serie Lëtzebuerger Wuertschatz op de Fuuss am Frack an a Maansgréisst an.