Flotten Dossier vum Luxemburger Wort an dem Zenter fir d'Lëtzebuerger Sprooch op wort.lu: Déi aktualiséiert Basisreegele vun der offizieller Orthografie fir jiddereen, dee Lëtzebuergesch wëllt schreiwe léieren - kuerz a knapp erkläert, iwwersiichtlech opgebaut, mat ville Beispiller a flotten Illustratiounen.

Firwat hu mer zwee Pronome fir Fraen ("si" an "hatt")? Vu wou kënnt eigentlech den "s" bei "wéi s de bass"? A firwat schreift een "Hierscht" mat "r", wann een den "r" net héiert? Eis Mataarbechterin Caroline Döhmer aus dem Zenter fir d'Lëtzebuerger Sprooch geet dëse Froen op de Fong. D'Linguistin erkläert an hirer Emissioun um Radio 100,7 d'Kuriositéiten aus der Lëtzebuerger Sprooch. Dir kënnt se live lauschteren, ëmmer donneschdes um 8:50 an um 12:20, oder noliese respektiv nolauschteren an der Mediathéik vum 100,7.

Dir hutt eng Fro iwwer e Phenomeen aus der lëtzebuergescher Grammaire oder Orthografie, déi an der Emissioun soll beäntwert ginn? Da kontaktéiert den ZLS iwwer d'LOD-Hotline.

Op de Walfer Bicherdeeg sinn déi éischt 1.500 Exemplairë vun der Lëtzebuerger Orthografie ausgedeelt ginn. Enn nächster Woch misst déi 2. Oplo disponibel sinn. D'Buch kann nach ëmmer online virbestallt ginn.

DʼLéierbuch Eis Sprooch richteg schreiwen ass eng perfekt Aféierung an d‘Schreifweis vun der Lëtzebuerger Sprooch mat e sëllege flotten Annexen – vun Aluedunge bis Interjektiounen, vun Iessen a Gedrénks bis bei Insekten, vu laténgesche Riedensaarte bis koppege Sätz fir ze diktéieren.

Op dëser Säit kënnt Dir déi completéiert an aktualiséiert Orthografie gratis bestellen. Fëllt duerfir wannechgelift de Formulaire hei drënner aus. (D'Felder mat engem * sinn obligatoresch.)

Dir vermësst e Wuert am Lëtzebuerger Online Dictionnaire oder hutt eng Fro iwwer eng Schreifweis? Da besicht eis op de Walfer Bicherdeeg! Den Zenter fir dʼLëtzebuerger Sprooch ass an der Hal 2 a freet sech op Äre Besuch.