Dobäi geet et, wéi d‘Bezeechnung Quiz et schonn undeit, ëm e spillereschen Ëmgang mat der Lëtzebuerger Orthografie. Allkéiers ginn eng Partei Froe iwwer d‘Schreifweis vun eenzele Wierder gestallt.

Déi nächst Woch kënnt den nächste Quiz an dat gëtt e richtegen Ortho-Sprint: 25 Froen, 25 Sekonnen! Mir kruten nämlech un d‘Häerz geluecht, méi Froen ze ginn a manner Zäit ze loossen – an anere Wierder: Dot Iech waarm un, et gëtt saukal, also sauschwéier!

De Weekend mat Orthografie ufänken, firwat net?

Och de Weekend ass den Zenter fir dʼLëtzebuerger Sprooch fir déi richteg Schreifweis am Asaz: Dräi Samschdegmoienter ass dʼASBL „Moien – Eng Bréck fir eis Sprooch“ bei eis op Besuch, fir iwwer déi aktualiséiert a completéiert Orthografie informéiert ze ginn.

Konferenz zu Walfer iwwer den ZLS an den LOD

D’Kulturkommissioun, mat der Ënnerstëtzung vun der Walfer Gemeng, invitéiert op eng Konferenz iwwer de Lëtzebuerger Online Dictionnaire (LOD) vum Zenter fir d'Lëtzebuerger Sprooch (ZLS).

Déi completéiert Orthografie gëtt et och nach weiderhin elektronesch an als Buch.

„WOW! 6000 Bestellungen a 24 Stonnen. Bestellt roueg weider. Mir drécke weider.“ Den Tweet vum Educatiounsminister Claude Meisch huet keng Froen opgelooss: Bannent engem Dag waren net manner ewéi 6.000 Landkaarte mat den Uertschaftsnimm op Franséisch an op Lëtzebuergesch bestallt ginn an esou séier wier dës gratis Offer och nach net eriwwer.

Nieft dem Haapttext vun der Orthografie huet den ZLS och nach zwee Hëllefsdokumenter fir Iech.

Duerch déi completéiert Orthografie, déi Mëtt November 2019 a Kraaft getrueden ass, waren ongeféier 1 % vun de Wierder vum Lëtzebuerger Online Dictionnaire betraff ... hei sinn déi, déi zanterhier am meeschte gekuckt goufen.

Den Ortho-Trainer soll dem Benotzer hëllefen, autonom en éisch­ten Abléck an d'Lëtzebuerger Recht­schreiwung ze kréien, orthografesch Kenntnesser op­ze­frëschen, den Iwwerbléck iwwer bestëmmt Reegelen an hir Ausnamen ze kréien an d'Orthografie unhand vun den Exercicë mat der integréierter Ver­bes­serungs­method ze üben. E kann awer och a klasseschen Orthografies­coursë respektiv am Kader vum Blended Learning agesat ginn.

Op de Walfer Bicherdeeg waren déi éischt 1.500 Exemplairë vun der Lëtzebuerger Orthografie ausgedeelt ginn. Déi 2. Oplo ass elo disponibel.