E Samschdeg, den 1. Juni, geet et mat där éischter vun drësseg Interjektioune lass!
D'Interjektioune si Wierder, déi als Ausriff ganz eleng kënnen e ganze Saz bilden:
Et gëtt der, déi an der Haaptsaach do sinn, fir aner Leit ze begréissen, ewéi z. B.
Se kënnen awer och hëllefen, eng Hellewull vu verschiddene Gefiller auszedrécken.
Eng selwecht Interjektioun ka ganz verschidde Saachen ausdrécken. Dobäi kënnt et ganz besonnesch op d'Betounung (d'Spezialiste schwätzen do vu Prosodie) un.
Fir d'Interjektioun „o“ ginn z. B. am LOD ganzer siwen Nuancë beschriwwen:
Vun „abee“ iwwer „sorry“ bis „zackerdjëss“
Am Lëtzebuergeschen – an doduerch och am LOD – fënnt een hautdesdaags e flotte Mix vu scho méi laang etabléierten (batschdeg, nondikass, vreck, ...) Interjektiounen a vu méi neien, déi eréischt méi rezent an de Gebrauch komm sinn (fuck, sorry).
Ganz dacks kommen d'Interjektiounen aus anere Sproochen.
Wann een d'Beispill vum Franséischen hëlt, da gesäit een, datt se kënnen tel quel iwwerholl – wéi gare oder zut – oder awer ganz integréiert ginn, wéi z. B. nondidjö, vum franséischen Nom de Dieu.
Ni komplett
Och wa viru Kuerzem en Hoff gemaach gouf, fir eng jett Interjektiounen an den LOD opzehuelen, ass déi aktuell Lëscht mat Sécherheet net komplett!
Wann Dir nach flott Interjektioune wësst, da schéckt eis se als Wuertproposen!
Merci!