blog

14Oct

Nose to Tail - keen neien Trend !

View Counts (460) |Return|
0 ( 0 reviews)
|

En Déier ganz verwäerten war fréier üblech. Haut sinn d’Leit of zimlech kriddeleg a verpassen dobäi esou Muenches. Vill Fleesch Platen, sinn a Vergiessenheet geroden, wéi z.B. Rëndszong, Träipen, Liewer asw. Mir presentéieren iech dofir d ‘Rezept vun enger gudder Rëndszong mat Madère Zooss.

Nose to Tail heescht, datt et dem Déier géintiwwer onanstänneg wär, et net vu Kapp bis Fouss ze verwäerten. Esou ginn et nieft dem Filet beim Rand och nach eng etlech gutt aner Stécker. De Wuelstand an eng ze grouss Offer u Liewensmëttel hu mat sech bruecht, datt mir eis et leeschte konnten, kriddeleg ze sinn wat d ‘Iessen ubelaangt.

Haut gi virun allem nëmme déi beschte Stécker wéi z.B. Filet oder moert an zaart Fleesch gefrot, wat nëmmen kuerz muss gebroden ginn. Dës Stécker maachen bei engem Rand allerdéngs nëmmen 15% vum Fleesch aus, esou datt si oft vu wäit hir mussen importéiert ginn. Dëst ass alles anescht ewéi nohalteg an ekologesch vertrietbar.

Dofir fannt Dir an eise Kantinnen demnächst Fleesch Platen, déi a Vergiessenheet gerode sinn, wéi z.B. Rëndszond, Träipen, Liewer asw. .

An dësem Post presentéieren mir iech d ‘Rezept vun enger Rëndszong mat Madère Zooss.

Rëndszong ... vill vun Iech wäerte soen “Dat hunn ech net gär!”

Awer gutt  zoubereet ass dëst Iessen eng richteg Delikatesse. Dëst besonnesch zaart Stéck Fleesch huet immens vill Goût a schmaacht ausgezeechent. Et gëtt am beschte mat enger selwer gemaachter Madère-Zooss (Sauce madère) preparéiert, mat frësche Champignonen, déi an dënn Scheiwen geschnidde ginn.

Entdeckt hei eis Rezept mat enger Zooss mat Madère-Wäin. Et ass einfach ze präparéieren, brauch e bëssen Virbereedungs- a Kach Zäit, awer mir garantéieren Iech, datt et sech wierklech lount.

De Madère-Wäin ass e mat Branntewäin ugeräicherte séisse Wäin vun der Insel Madeira, déi zu Portugal gehéiert.

Rëndszong ass e präiswäert Fleesch. Kaaft léiwer eng kleng fir d’Kachzäit ze reduzéieren

Wat  gëtt gebraucht?

  • 1 Rëndszong (ongeféier 1,5 kg)
  • 1 Glas Madère Wäin
  • 1 Muert
  • 1 Lorberblat
  • 30 g Miel
  • 30 g Botter
  • Peffe & Salz
  • 250 g frësch Champignone
  • 1 Ënn
  • 1 Strauss Thymian
  • 2 Neechelskäpp
  • 50 cl Rëndsboullion

 


 

 

Wéi gëtt et gekacht?

  1. Maacht eng Schossel voll kaalt Waasser, maacht d'Rëndszong dran a loosst se 4 – 6 Stonnen weechen. Leet se dono an en Dëppen mat kache Waasser a maacht en Thymianstrauss, Lorberblieder, eng hallef Muert, eng Zwiwwel an 2 Neelcheskäpp dobäi.
     
  2. Loosst dat Ganzt während ongeféier 1,5 – 2 Stonnen op niddereger Stuf kachen. Wann sech ënnert der Haut Blosen bilden ass d ‘Zong genuch gekacht. Huelt se dono aus der Britt an halt d ‘Britt fir d ‘Preparatioun vun der Zooss.
     
  3. Schielt déi gekachten Zong ënner kalem Waasser a schneid se dann an dënn Tranchen. Denkt  drunn, datt d ‘Zong dono nach e bëssen an der Zooss muss köchelen bei niddereger Temperatur. Deemno soll d ‘Zong net zevill mëll gekacht sinn.
     
  4. Fir d’Zoos gëtt elo eng helle Fong mat Miel ugeréiert. Dofir e bësse Botter am Dëppen schmëlzen, d ‘Miel derbäi maachen a gutt réieren. Direkt dono dat Ganzt verdënnen mat e bësse Britt an engem gudde Glas Madère Wäin. Salz a Peffer net vergiessen.
     
  5. D’Zooss elo 20-25 Minutten andecke loossen bei klenger Stuff. Ëmmer erëm Britt bäiginn, fir déi gewënschte Konsistenz ze erreechen. D’Champignons an enger Pan ubroden a bei d’Zooss derbäi ginn. Elo d’Rëndszong nach 5 Minutten bei klenger Flam an der Zooss kachen.
     
  6. Dir kënnt elo dZong zerwéieren mat Purée, Räis oder Nuddelen a frëscjhem Geméiss.

Eng Rëndszong enthält kee vun deene 14 Allergenen (konform zum EU-Reglement 1169/2011 iwwer d ‘Informatioun vun de Konsumenten iwwer Liewensmëttel) entspriechend dem Rezept. Eng gekräizte Contaminatioun an der Metzlerei selwer kann allerdéngs ni ganz ausgeschloss ginn.

Gudden Appetit!

 

 

 

 

 

 

Related

Téléchargez notre application mobile gratuite Restopolis

Téléchargez notre application mobile gratuite Restopolis

Où vous voulez et quand vous voulez, accédez aux menus, faites des réservations, chargez votre compt...

Read More
Réckbléck 2014 - Iessgewunnechten bei Jonken

Réckbléck 2014 - Iessgewunnechten bei Jonken

E groussen Dossier iwwer Ernährung bei Jonken vum Lena a Sam Schaack vum Uelzechtkanal aus dem Joer ...

Read More
Bleift informéiert iwwer är Kantin!

Bleift informéiert iwwer är Kantin!

Abonnéiert iech op eis Newsletter op der Adresse http://blog.restopolis.lu a liest regelméisseg eis ...

Read More
De Kleesche kënnt geschwënn!

De Kleesche kënnt geschwënn!

De 6. Dezember ass et esou wäit! Schmaacht eise Kleeserchersmenü an ärer Kantin.

Read More
RestoGoal #5 - Keng Presentatiouns-Telleren méi an eise Kantinnen

RestoGoal #5 - Keng Presentatiouns-Telleren méi an eise Kantinnen

Am Kader vum RestoGoal#6 betreffend der Verschwendung vu Liewensmëttel fannt Dir keng Presentatiouns...

Read More
Muerten, Kalbassen a Gromperen – An dëse Wochen vum Feld op den Dësch!

Muerten, Kalbassen a Gromperen – An dëse Wochen vum Feld op den Dësch!

Zanter dësem Méindeg sinn an eisen Kantinnen verschidden Theme-Wochen am gaangen, wou mir dräi saiso...

Read More

Pour recevoir les dernières nouvelles de notre part, inscrivez votre adresse électronique. Nous vous promettons des nouvelles dignes de ce nom, sans pourriels.

Um die neuesten Nachrichten von uns zu erhalten, abonnieren Sie bitte Ihre E-Mail. Wir versprechen wertvolle Nachrichten ohne Spam.

To get the latest news from us please subscribe your email. We promise worthy news with no spam.

Sidd ëmmer informéiert iwwer eis leschten Nouvellen an drot Är Email hei an. Mir schécken Iech interessant Informatiounen a spammen Iech net zou.

  • Recent
  • Popular