Eng Lizenz huet d’Schoul net. Du kanns der awer als Enseignant e gratis Basiszougang ufroën.

Info: https://www.sofatutor.com/lehrkraefte-und-schulen

Du muss hinne just eng “Bescheinigung mit Unterschrift und Stempel der Schulleitung darüber, dass Sie als Lehrkraft oder Referendar*in an der Schule tätig sind” schécken. 
"Die Bescheinigung sollte nicht älter als 6 Monate sein.”

Et gouf bei ville Leit e Problem, dass “Microsoft Teams Meetings”, déi vun engem aneren aus dem Team erstallt goufen, net am eegene “Microsoft Team Kalenner” opgetaucht sinn. An de Kalenner koumen just déi Meetings, déi ee selwer erstallt huet.

Säit enger gewësser Zäit gi jo all Mailen, déi op är Adresse IAM@365.education.lu geschéckt ginn automatesch op är @education.lu Adress weidergeleet. Wann en “Teams Meeting” vun engem Kolleg erstallt gëtt, gëtt automatesch eng Email op är IAM@365.education.lu geschéckt. Well déi Mail awer direkt op @education.lu weidergeleet gëtt, kritt “Microsoft Teams” net d’Méiglechkeet dat am Kalenner anzedroen.

D’ Léisung besteet also doranner ze kucken, dass “Microsoft Teams” och vum Meeting gewuer gëtt. Dat geet ganz einfach:

1. Gitt an ärem 365.education.lu op den Outlook oder direkt am Browser op https://outlook.office.com/mail
2. Gitt am Outlook uewe riets op d’ Zännrad (Einstellungen – Paramètres)
3. An der Fënster déi riets opgeet klickt der ganz ënnen op (Alle Outlook Einstellungen anzeigen - Afficher tous les paramètres d’Outlook)
4. Am Menü (E-Mail – Courrier) (deen ass schonn ausgewielt), riets an de Menü “Weiterleiten – Transfert) goen
5. Maacht elo do en Häkchen bei “Kopie ... beibehalten”. Dat Häkchen driwwer wat op är @education.lu Adress weiderleet soll der loossen, soss verpasst der e puer Mailen! Déi 2 Häkercher sinn also elo aktiv!
6. Ganz wichteg: Ënnen op SPEICHERN drécken

Wann elo een e Meeting erstellt, da kënnt d’ Email och an är IAM@365.education.lu Mailbox a gëtt dee Moment an den Teams Kalenner iwwerdroen. Eng Kopie kënnt wedierhinn op är @education.lu Adress, mee déi kënnt der ignoréieren.

Am Teams Kalenner steet de Meeting dann als provisoresch. Wann dir en acceptéiert (oder ofsot) MUSS dir dat och am “Teams Kalenner” man (einfach drop klicken an ZUSAGEN). Wann dir op de Mail an ärer @education.lu Mailbox äntwert, esou gëtt dat logescherweis net am “Teams Kalenner” iwwerholl (well d’ Informatioun jo net zréck op är IAM@365.education.lu Adress geet).

Normalerweis misst dat do just déi Enseignanten betrëfft, déi hir education.lu-Mailbox nach um Server vu Restena leien hunn.
Déi déi  hier education.lu-Mailbox op d’365.education.lu-Portal plënnere gelooss hunn, brauchen elo normalerweis näischt aneschteres anzestellen.

(Dir mierkt jo selwer, ob bei iech d’Meetings am Kalenner agedroë ginn oder net.)

Wann der e Film mam Handy oder mam iPad den héije Wee opgeholl hutt an deen dono mam VLC Media Player kompriméiert hutt, da kann et sinn, dass en am One Drive de breede Wee, also em 90° gekippt, ugewise gëtt (wärend en awer um Computer richteg ofgespillt gëtt).

Dat läit dann net um VLC, mee um One Drive. Et gëtt awer en « Trick » wéi een de Film och um One Drive ka richteg uweisen, et ass u sech ganz einfach:

-Et muss een am Menü op „Versionsverlauf“ klicken an da rechts op 1.0 an da geet et!

Esou: http://clodsch.net/test/OneDrive_Video_drehen.mp4

Déi Leit déi elo Filmer fir hieren Unterrëcht am Schoul-doheem-Modus gedréint hunn, hu wahrscheinlech gemierkt, dass do ganz séier ganz grouss Dateien entstoë kënnen. Et ass ass also sënnvoll fir déi Filmer ze kompriméieren.

• Dat ass méiglech iwwer en online Service. Bei de "Liens utiles" op der Schoulhomepage fënnst de am Dossier Computer_Medien bei “Utilities” e puer Siten wou s de (gratis) e Film online emwandle loosse kanns (bei “Audio/Film” a bei “Verschiedenes”).
• Fir e Film mam VLC Media Player ëmzewandelen/ze kompriméieren, sou dass och um iPad de Video mat Toun ofgespillt gëtt: (Klick op den Titel vun der News fir den Détail ze gesinn.)
• Ween mam iPad filmt (oder e MAC-Computer huet), kann do och d‘iMovie-App* benotzen fir säi Film ze kompriméieren.
• Eng weider Optioun fir iech wär och, iech e Kont op Youtube (Google) opzeman an är Filmer do eropzelueden. Wann der bei Youtube fir äre Film d’Astellung „nicht gelistet" wielt, da fënnt een dee Video just, wann een de Link dovun huet, ewer net iwwer eng öffentlech Recherche.