Jiddereen, den am Besëtz vun engem IAM Code an dem respektiven Verbindugscode vun engem oder méi vu senge Kanner ass, kann en Elterekont erstellen. Fir en Elterekont ze erstellen klickt w.e.g HEI ! .

Wann Dir de legale Vertrieder vun engem oder méi Kanner sidd, an z.B. vun den Déngschter vum "chèque-service accueil" profitéiert, da krut Dir per Post e Bréif geschéckt mat der myCard an dem Verbindungscode vun ärem Kand.

Entweder huelt Dir d'Déngschter vum "chèque-service accueil" an Usproch:

• wann Dir zu Lëtzebuerg wunnt, musst Dir Iech un är Gemeng adresséieren ;
• wann Dir en europäeschen Arbeitnehmer sidd an net zu Lëtzebuerg wunnt, musst dir Iech bei der Zukunftskeess fir Kanner presentéieren.

Falls Dir déi néideg Schrëtt schonns entweder bei ärer Gemeng oder bei der Zukunftskeess gemaach hutt,

• kritt dir deemnächst eng myCard mat der Post geschéckt

Fir méi iwwer de Bäitrëtt zu den Déngschter vum "chèque-service accueil" gewuer ze ginn, klickt w.e.g HEI.

Bedéngt duerch e klengen technesche Feeler kann et sinn, datt Dir eng myCard krut mat dem falschen Numm vun ärem Kand. Kontaktéiert w.e.g. an dem Fall direkt eisen Helpdesk ( Email: helpdesk@cgie.lu, Tel. +352 247 85999 ) fir datt mir iech schnellstméiglech eng nei Kaart kënne schécken.

Fir eng nei Kaart ze kréien muss Dir Folgendes maachen: wann Dir zu Lëtzebuerg wunnt, musst Dir Iech un är Gemeng adresséieren ; wann Dir en europäeschen Arbeitnehmer sidd an net zu Lëtzebuerg wunnt, musst dir Iech bei der Zukunftskeess fir Kanner presentéieren.

D'Kaart ass bis zum Enn vun der Grondschoul gülteg. Dat heescht, de Moment wou Dir äre Bäitrëtt zum "chèque-service accueil" erneiert kritt dir keng nei myCard geschéckt.

Falls méi vun äre Kanner d'Déngschter vum "chèque-service accueil" an Usproch huelen, dann hutt Dir per Post jeeweils e Bréif mat enger myCard fir all Kand geschéckt krut.

De Moment kënnt Dir en Elterekont mat Hëllef vum IAM Code vun engem vun äre Kanner erstellen. Dir hutt d'Wiel ënner allen IAM Coden vun äre Kanner, z.B. MusMa123.

Soubal Dir ären Elterekonnt erstallt hutt, kënnt Dir Iech an ärem virtuelle Büro umellen, fir do weider Kanner bei äre Kont bäizesetzen. Benotzt dofir w.e.g. äert Passwuert fir Iech unzemellen an d'IAM Coden vun de Kanner déi Dir wëllt bäisetzen.

Wann all är Kanner ärem Kont zougewise goufen, da kënnt Dir Iech mat engem IAM Code vun engem vun äre Kanner umellen. Benotzt w.e.g. dofir ëmmer datselwecht Passwuert, dat Dir beim Erstellen vun ärem Elterekont gewielt hutt.

• Klickt w.e.g. HEI fir en Elterekont ze erstellen.
• Klickt w.e.g. HEI fir Iech an ärem virtuelle Büro unzemellen.

Fir ären Elterekont besser ze protegéieren, séchere mir den Zougrëff iwwer eng 2 - Faktor - Authentifizéierung via SMS of.

Dofir musst Dir beim Erstellen vun engem Elterekont eng gülteg GSM Nummer, den IAM Code vun engem Kand an äert perséinlecht Passwuert aginn. Soubal är GSM Nummer gepréift gouf, ass ären Elterekont iwwer eng 2 - Faktor - Authentifizéierung ofgeséchert.

Är GSM Nummer gëtt nëmme benotzt fir Iech via SMS en zäitlech begrenzte Code ze schécken, den Dir beim Umellen uschléissend un äre Benotzernumm an äert Passwuert musst aginn.

Klickt w.e.g. HEI fir méi iwwer déi 2 - Faktor - Authentifizéierung gewuer ze ginn.

Falls Dir de legale Vertrieder vun engem oder méi Kanner sidd, an d'Déngschter vun "chèque-service accueil" an Usproch huelt, da krut Dir per Post e Bréif mat der myCard Kaart vun ärem Kand an dem respektiven Verbindungscode.

Dir fannt den IAM Code vun ärem Kand op der myCard Kaart, déi ënne riets um Bréif gepecht ass.

Den IAM Code ass eng eendeiteg Identifizéierung vun ärem Kand a gläichzäiteg de Benotzernumm (login) vun ärem Elterekont.

E Verbindungscode ass e Code den eemol ka benotzt ginn, fir är Kanner an ären Elterekont bäizesetzen.

De Verbindungscode gëtt ongülteg nodeems en eng kéier benotzt gouf.

Mat engem Aktivatiounscode kann een en Elterekont aktivéieren bzw. reaktivéieren am Fall wou een seng Benotzerdaten (Benotzernumm, Passwuert) vergiess huet. Klickt w.e.g. HEI fir en neien Aktivatiounscode unzefroen. Den neien Aktivatiounscode gëtt Iech mat der Post zougeschéckt.

Huelt w.e.g. den IAM Code vun ärem Kand fir op ären Elterekont zouzegräifen.

Beim Erstellen vun ärem Elterekont hutt Dir den IAM Code vun engem vun äre Kanner aginn (z.B. MusMa123). Huelt w.e.g. dësen IAM Code als Benotzernumm fir Iech am Elterekont unzemellen.

Am Fall wou Dir schonns méi Kanner mat ärem Elterekont verbonnen hutt mat Hëllef vun dem jeeweilege Verbindungscode, kënnt Dir als Benotzernumm iergendeen vun dësen IAM Coden benotzen fir Iech mat ärem Elterekont unzemellen.

Falls Dir är Benotzerdaten vergiess hutt, kënnt Dir jidderzäit ären Elterekont reaktivéieren. Fir den Elterekont ze reaktivéieren musst Dir HEI en neien Aktivatiounscode ufroen !

Falls Dir äert Passwuert vergiess hutt, musst Dir ären Elterekont reaktivéieren. Fir den Elterekont ze reaktivéieren musst Dir HEI en neien Aktivatiounscode ufroen !

Falls Dir är GSM Nummer geännert hutt, musst Dir är nei GSM Nummer an ärem virtuelle Büro androen.

Opgepasst: Dir braucht nach ëmmer déi al GSM Nummer fir Iech an ärem virtuelle Büro unzemellen. Passt w.e.g. op, datt är al GSM Nummer nach aktiv ass esou laang déi nei nach net agedroen ass.

Klickt w.e.g HEI fir Iech an ärem virtuelle Büro unzemellen.

Äre virtuelle Büro ass e gesécherte perséinleche Beräich, den Iech erlaabt folgend Operatiounen duerchzeféieren:

• Änneren vun ärem Passwuert
• Änneren vun äre perséinlechen Daten (Email, GSM, asw.)
• Bäisetzen / Läschen vun engem Kand an ärem Kont
• Saisie vun engem LuxTrust Certificat

Klickt w.e.g. HEI fir Iech an ärem virtuelle Büro unzemellen.

Dir kënnt äert Passwuert an ärem virtuelle Büro änneren. Klickt w.e.g. HEI fir Iech an ärem virtuelle Büro unzemellen.

Déi 2 - Faktor - Authentifizéierung ass an de leschte Joren zu engem wesentlechen Bestanddeel vun der Ofsécherung vun Online-Konten ginn, besonnesch am Fall, wou dës den Zougrëff op perséinlech Daten erlaben.

Dës Method bitt eng zousätzlech Sécherheet fir ären Elterekont a garantéiert, datt Dir déi eenzeg Persoun sidd, déi op äre Kont zougräife kann, esouguer am Fall wou eng aner Persoun äre Benotzernumm an äert Passwuert sollt kennen.

Dës Method funktionéiert folgendermoossen: fir sech bei enger Online-Uwendung unzemellen, muss de Benotzer säi Benotzernumm, säi Passwuert an en eemolegen, zäitlech begrenzten Code (OTP) aginn. Dëse Code gëtt dem Benotzer iwwer SMS geschéckt, an zwar op déi GSM Nummer déi hien a sengem Kont agedroen huet.

Opgepasst: D'Gültegkeet vun dësem Code (OTP) verfält bannent enger Minutt nodeems de Benotzer den SMS krut. Am Fall, wou d'Zäit sollt ofgelaf sinn, musst Dir d'Operatioun einfach widderhuelen.