Hei 2 méiglech Ursaache firwat är Lautsprecher déi der un de Computer ugeschloss hutt net haart genuch ginn:
- Bei de méi neie Computere gëtt et just een Audiouschloss dee souwuel fir e Mikro, e Kopfhörer oder Lautsprecher ka genotzt ginn. Wann der den Audiostecker (Klinkenstecker) astiecht, da spréngt eng Fënster op an där der musst uginn wéi e Gerät et ass.
Wann der z.Bsp. eng Kéier fannt, dass d’Lautsprecher net haart genuch ginn, da kann dat och doru leien, dass der virdru Kopfhörer ugeschloss hat an dono nees op d’Lautsprecher gewiesselt sidd ouni dat awer an där Fënster ëmzestellen (Vläicht well der déi Fënster einfach schnell eweggeklickt hat, wéi een dat jo mol heinsdo mécht...). Fir dat z’iwwerpréiwen, zitt einfach den Audiokabel eng Kéier eraus a stiecht en dann nees dran, da misst déi Fënster nees erschéngen.
- Eng aner Ursaach firwat mol keen Toun aus de PC-Lautsprecher kënnt, dat ass, dass de Windows als Quell de Beamer, den interne Lautsprecher vum Computer oder soss e Gerät agestallt huet. Wann s de op d’Lautsprechersymbol ënne rechts an der Windows-Taskläischt klicks (Do wou s de och d’Lautstärkt verännere kanns.), da kannst de dat emstëllen: -Op d’Lautsprechersymbol an der Taskläischt (rechts ënnen) klicken --> Pfeil deen eropweist --> Ausgabegerät wiesselen
Bedenk, dass et ëmmer 3 Plaatze ginn, wou d’Lautstäerkt agestallt ka ginn: a) um Lautsprecher selwer , b) am Windows (d’Lautsprechersymbol an der Taskläischt) an c) am Programm deen eppes ofspillt.
Et gi Youtube-Videoen, bei deenen den Toun vum Film selwer net haart genuch ass, do kannst de dann net vill man.
Eng Méiglechkeet fir nach e puer % Lautstäerkt erauszeschloen ass déng Audio- oder Videodatei mam VLC Mediaplayer ofzespillen. Deen huet nämlech d'Méiglechkeet fir d'Lautstärkt bis op 125% ze stellen.