Tolle Leistungen gibt es aus dem warmen Brasilien von der Gymnasiade zu vermelden. Hier legte die 2C-Schülerin Tiffany Tshilumba ein fabelhaftes 200m Rennen hin und sicherte sich am Ende das silberne Metall. Ihre Klassenkameradin Laurence Jones hatte ebenfalls das Finale über diese Strecke erreicht und sprintete auf Platz 8. Neben sprinte, sprang Laurence auch noch und das sehr weit, auf Rang 6.

Auch dieses Jahr drückten einige Schüler aus dem Sportlycée den nationalen Schwimmmeisterschaften ihren Stempel auf. Jackie Banky räumte auf den kurzen Freistilrennen ab, während sie sich bei den Rückenstrecken Sarah Rolko beugen musste, dicht gefolgt von Eline Van den Bossche. Bei den Jungs war Julien Henx nicht von der Konkurrenz einzuholen und konnte gleich 7 Mal als erster am Beckenrand anschlagen. Ricky Rolko vermochte derweil bei den jüngeren Jahrgängen mit einer neuen Bestzeit auf sich aufmerksam zu machen.
Wir drücken unseren drei Sportlycée-Schwimmern Jackie, Sarah und Julien für die kommende Kurzbahn-EM in Dänemark fest die Daumen!

De Méinden 25. November haten d'Schüler vun der 7O2 ganz spezielle Besuch krit. Op Grond vun engem Concours ënnert de 7ièmes Klassen am Kader vun der Aktioun "E Stopp vir e Mupp" waren d'Madame an den Här Nash an hir zwee Assistenzhënn op Besuch komm.
d'7O2 hat eise Concours mat 96kg gesammelte Stëpp knapp virun der 7O1 matt 93kg Stëpp gewonnen. Déi 3. Plaz hat d'7ST gemaach matt 50kg Stëpp.
D'Madame Nash vun der ASA asbl, Amicale vun der Schoul vir Assistenzhënn, hat de Vistoux, een 9 Joër ale Golden Retriever an den Horinzon, en 2 Joër ale Labrador matbruecht. Si huet de Schüler erklärt wou sou en Assistenzhond iwwerhaapt agesat gëtt, wéi d'Ausbildung ausgesäit an déi zwee Hënn hunn de Schüler gewisen wat si alles kënnen, wéi zum Beispill Schal, Händchen oder Brëll ausdoen an nach villes méi. Besonnesch impressionéiert waren eis Schüler wéi de Vistoux hinne gewisen huet dass hien och rechne kéint.
Mir soen der Famill Nash, dem Vistoux an dem Horizon villmools Merci fir dës flott Visite! www.assistenzhonn.com

En Mëttwoch, den 13. November waren d'Schüler vun der 9TE, am Kader vun der Optioun Atelier, den Garage Kontz op der Diddenhuewener Strooss besichtegen. Den Garage Kontz as een BMW Händler deen zum Kontz Group gehéiert. Zum Kontz Group gehéieren net nëmmen BMW mee och M BMW an I BMW, BMW Motorieder sou wei Mini, Land Rover an Aston Martin.
Den Här Pascal Henry, Responsable beim Service Après Vente huet eis en flotten Tour duerch di eenzel Departementer gebueden. Ugefangen bei der Vente, dann dem Departement Mecanique, Electrique, den Magasin, den Departement Motorieder an zum Schluss waren mir bei d'Carrosserie. Eis Schüler hunn iwwerall kenen een gudden Iwwerbléck kréien an konnten och iwwerall Froen stellen.
Si kruten vill erklärt an et gouf och mam alen Virurteel opgeraumt dass een Mecanicien een mat knaschtegen Fanger ass. Spannent war ze gesinn wie d'Aarbechter am Departement Electrique sech op Sich no den Feeler maachen. Et huet eppes vun Detektivaarbecht an berout vill op den analyteschen Fäegkeeten vun den Mataarbechter.
Als kreinenden Ofschloss konnten d'Schüler dunn bei Aston Martin goen an sech do een Iwwerbléck verschafen. Am léifsten wieren si jo all mat engem Aston Martin heemgefuer mee do goufen si leider enttäuscht.
Och beim Garage Kontz kruten si ugebueden, dass si, falls si un engem vun deenen Beruffer Interessi hätten, sech ganz gären bei hinnen mellen kenen fir eng Ausbildung ze maachen. www.arnoldkontz-group.com

En Dënsten, den 12. November waren d'Schüler vun der 8TE, am Kader vun der Optioun Atelier, d'Firma MSE besichtegen. MSE as eng Schräinerei zu Zolwer déi virun allem Fënsteren, Dieren, Kichen, Parquet an Abauschief realiséieren. D'Geschicht vun der Schräinerei MSE huet 1962 matt engem klengen Atelier zu Alzeng ugefaang. 2012 sinn si eréischt an hir 900m2 grouss Hal op Zolwer geplënnert.
Den Här Pütz huet eis als éischt duerch hir Ausstellungsraim gefouert, wou hien de Schüler gewisen huet wéi de Service bei hinne funktionéiert an wat et alles un Dieren, Fënsteren a Parquet gëtt. Dono ass et am Atelier weidergaang wou den Här Rodius eise Schüler dunn d'Funktionnement vun deenen eenzelne Maschinnen erklärt a virgewisen huet.
Wéi den Hoffmann's a Prefalux, huet och d'Schräinerei MSE Problemer Stagiairen ze fannen di sech vir d'Arbecht am Holz interesséieren. www.mse.lu

En Dënsten, de 5. November waren d'Schüler vun der 8TE, am Kader vun der Optioun Atelier, op Jonglënster d'Firma Prefalux besichen.
Prefalux as eng Baufirma déi sech virun allem op Holzkonstruktiounen an Diercher spezialiséiert huet. Zu Jonglënster schaffen sie an 3 verschiddenen Atelieren: eng Schräinerei, eng Schlässerei, an een déngt zur Hirstellung vun den Charpenten. Eis Schüler kruten een interessanten Tour duerch dës 3 Atelieren an awer och hir Bureauen, wou d'Informatiker an Bauzeechner Projeten ausschaffen, gebueden.
Fir eis Schüler war et interessant deen ganzen Oflaf erklärt ze kréien, vun der Planung bis bei d'Hierstellen vun den eenzelnen Stecker di verbaut ginn. Do doniewent war et fir eis all och interessant gewuer ze ginn, dass an dëser Firma 10 verschidde Beruffsgruppen zesummeschaffen.
Besonnesch begeeschtert waren sie awer wéi se gesinn hunn dass d'Firma Prefalux och den Ausbau vun eiser Schoulkantin realiséiert huet. www.prefalux.lu

D'Schüler vun der 9TE waren Doneschdes den 10. Oktober, am Kader vun der Optioun Atelier, d'Firma John Zink Hamworthy Combustion besichtegen. Dës Firma ass virun allem op Brenner fir Raffinerien spezialiséiert, produzéiert awer och sos fir vill aner Beräicher vun der Petrochimie an gehéiert zu Koch Industries.
John Zink Hamworthy Combustion, déi et zënter 1929 gëtt huet säit 1980 ee Sëtz zu Diddeleng. Vun hei aus bedéngen si den Marché vun Europa, Afrika, Asien an den mëttleren Orient. Zu Diddeleng hunn si hiren greisten Site an Europa wou si 255 Leit beschäftegen. Dovun sinn 100 spezialiséiert Aarbechter déi an hiren Hallen hir Produkter vun Grond op bauen. Zu dem Site gehéiert och eng Testanlag wou si mosen op hir Produkter och den Ufuerderungen vun den Clients entspriechen.
Eis Schüler goufen léif empfaang, kruten d'Firma matt Hëllef vun enger Powerpoint Presentatioun virgestallt, an hunn dono en interessanten Tour duerch d'Produktiounshal gemaach wou si novollzéien konnten wei aus engem Blech een Brenner oder eng Fakel entsteet. Zum Schluss konnten si sech nach den John Zink Testzenter ukucken.
Ee groussen Merci geet un den Här Giezek, den Här Weber an den Här Sarré, dei eis des Firma gewisen hunn. www.johnzink.com

En Dënnsten, den 8. Oktober waren d’Schüler vun der 8TE, am Kader vun der Optioun Atelier, d’Firma Hoffmann’s Bois besichtegen. Des Firma as virun allem op den Holzhandel spezialiséiert, an huet hannert hirem „normalen“ Buttek riseg Lagerhalen matt zich verschiddenen Zorten Holz. Duerch dëst Holzlager kruten eis Schüler en interessant Tour vum Här Klaus Kurek gebueden. Den Här Kurek, zënter 40 Joer am Holzhandel aktiv an Chef vum Holzakaf, huet de Schüler vill iwwert déi verschidden Zorten Holz an hiren respektiven Verwendungszweck erziele kennen. Hien ass och op de Funktionnement vun der Firma agaangen an huet hinnen vun sengem eegenen a vun allen aneren Beruffer an der Firma Hoffmann’s Bois erzielt. Besonnesch erstaunt waren eis Schüler awer wéi se héieren hunn, dass Hoffmann’s Bois, sou ewéi vill aner Firmen och, Problemer huet Stagiairen ze fannen di sech fir den Holzhandel interesséieren. www.hoffmanns.lu