Mam Asaz vu Schnell-Selbsttester an de Schoule wëll den Educatiounsministère eng méi grouss Sécherheet garantéieren an e Maximum u Coursen am Presentiel bäibehalen. D’Selbsttester erlaben et, d’Evolutioun vum Virus genee ze suivéieren an direkt ze reagéieren, wa positiv Fäll opdauchen.

Dësen Test gëtt d’Viruslaascht un, d. h. e weist un, ob déi Persoun ustiechend ass, dee Moment, wou se den Test gemaach huet. D’Leit wenden den Test bei sech selwer u mat engem Nuesofstréch. D’Schüler vum Cycle 1 maachen den Test doheem mat der Hëllef vun den Elteren. Vum Cycle 2 u maachen d’Schüler den Test an der Schoul. Den Enseignant beopsiichtegt den Oflaf a gëtt déi néideg Instruktiounen.

Dës Rubrik adresséiert sech un d ‘Elteren vun de Schüler. Dir fannt hei Informatiounen iwwer de Consentement, d’Déclaration de paticipation, d ‘Frequenz an den Timing vun de Selbsttester esou wéi Uweisungen am Fall vun engem positiven Resultat.

Dës Rubrik adresséiert sech un d ‘Enseignanten. Dir fannt hei Informatiounen iwwer d’Déclaration de participation, d ‘Frequenz an den Timing vun de Selbsttester esou wéi Uweisungen am Fall vun engem positiven Resultat.

Dir hutt Froen? Da kuckt weg eis Rubrik FAQ. Wann dir do keng Äntwerten op är Froen fannt, dann zéckt net a kontaktéiert eis Helpline.

Dir sidd Enseignant a betraff vun de Selbsttester? Da klickt hei an drot d‘Resultater vun äre Schüler an der Reporting App an. Opgepasst: fir den Accès braucht dir ären LuxTrust Token.