GEBRAUCHSANWEISUNG FIR D'SELBSTTESTER
Den Test, dee benotzt gëtt, ass de SARS-COV-2 ANTIGEN RAPID TEST – KIT LEPU-MEDICAL.
Dësen Test gëtt d’Viruslaascht un, d. h. e weist un, ob déi Persoun ustiechend ass, dee Moment, wou se den Test gemaach huet.
D’Leit wenden den Test bei sech selwer u mat engem Nuesofstréch.
D’Schüler vum Cycle 1 maachen den Test doheem mat der Hëllef vun den Elteren.
Vum Cycle 2 u maachen d’Schüler den Test an der Schoul. Den Enseignant beopsiichtegt den Oflaf a gëtt déi néideg Instruktiounen.
Am Selbsttest-Kit, déi d’Schüler mat heem huelen, ass:
- 1 Tupferstäbchen ;
- 1 Ampull;
- 1 Testkaart;
- 1 Gebrauchsanweisung.
D’Kitten, déi an der Schoul benotzt ginn, sinn a Këschte mat zwou Ampullen a 25 Kitte mat jeeweils engem Tupferstäbchen/enger Testkaart dran.
Den Test gëtt an dësen Etappe gemaach:
- D’Gebrauchsanweisung liesen, wann een d’Tester déi éischt Kéiere benotzt.
- Wann den Test an der Schoul gemaach gëtt: De Virnumm (an eventuell d’Initial vum Familljennumm, fir eng Verwiesslung an der Klass ze evitéieren, resp. d’Nummer, déi dem Schüler vum Klassentitulaire/Regent zougedeelt gouf) op d’Testkaart schreiwen.
- Den Tupferstäbche laanscht d’Nueswand (déi déi zwee Nueslächer trennt) an d’Nues aféieren, bis een d’kottengs Tupferspëtz net méi gesäit (ongeféier 2 cm déif).
- Den Tupferstäbche 5 Mol an all Nueslach dréien.
- Den Tupferstäbchen an d’Echantillonsverdéiwung vun der Testkaart schiben.
- D’Spëtz vun der Ampull mat enger Schéier ofschneiden a 6 Drëpse vum Verdënnungsmëttel op den Tupferstäbche maachen. Wann den Test an der Schoul gemaach gëtt, geet den Enseignant duerch d’Reien, fir d’Verdënnungsmëttel op den Tupferstäbchen ze maachen.
- Den Tupferstäbchen 2 Mol vu riets no lénks an ëmgedréit dréien.
- D’Testkaart zoumaachen. Den Enseignant seet de Schüler, wou se hir Kaart sollen hileeën (D’Schüler dierfen d’Resultater selwer net kucken).
- D’Verpackungen an d’Poubelle geheien.
Wärend dem Test muss d’Testkaart horizontal leien.
D’Persoun, déi d’Supervisioun vum Test mécht
- stellt d’Stoppauer op 15 Minutten an;
- consultéiert no 15 Minutten d’Testresultat (dëst ass no 15 Minutte valabel);
- dréit all d’Resultater vun der Klass am Reportingtool an (Zuel vun de verdeelten Tester, Zuel vun den duerchgefouerten Tester, positiv an negativ Resultater);
- gëtt der Klass e Feedback.
Erklärung vun den Testresultater:
- Positiv = zwou mof Linnen.
- Negativ = eng eenzeg mof Linn.
- Ungültig = keng mof Linn(en); eng eenzel blo Linn; eng blo an eng mof Linn.
Am Fall vun engem ongültegen Testresultat gëtt geroden, d’Gebrauchsanweisung nach eng Kéier opmierksam ze liesen an den Test mat engem anere Selbsttest-Kit frëschzemaachen.