INFORMATIOUNEN FIR ENSEIGNANTEN

D’Participatiounsdeklaratioun

D’Léierpersonal, wéi och déi aner Erwuessen, fëllen Eng Participatiounsdeklaratioun (déclaration de participation) aus a gi se bei hirer Direktioun of.

Frequenz an Timing

D’Frequenz vun de Selbsttester ass déi selwecht ewéi déi vun de Schüler.

D’Enseignante kënne sech de selwechten Ablack ewéi d’Schüler testen oder zu engem aneren Zäitpunkt.

D’administratiivt an d‘technescht Personal test sech am beschten all Woch dee selwechten Dag.

Reporting vun den Testresultater vun de Schüler

Den zoustännegen Enseignant iwwermëttelt der Inspection sanitaire den Dag vum Test déi positiv an negativ Resultater vu senger Klass an informéiert och déi betraffe volljäreg Schüler respektiv d’Eltere vun de betraffene mannerjärege Schüler iwwer d’Resultater. Dëse Reporting un d’Inspection sanitaire gëtt digital via e spezielle Portal gemaach.