Fotoalbum 2018-2019

In der Woche nach den Pfingstferien war THiLO an mehreren Tagen bei uns an der Schule und hat den Schülern (Cycle 2,3,4) seine Bücher vorgestellt.

D’Schoul Am Sand huet beim Molconcours “Luxembourg, vieux quartiers et fortifications” vun der UNESCO matgemaach. E Freiden, de 7.Juni, kruuten di 4 Gewënner um Knuedler hiere Präis iwwerreescht. Remise des prix du concours de dessin de l'Unesco: la jeunesse représente le patrimoine mondial "Luxembourg, vieux quartiers et fortifications". 4 élèves de notre école figurent parmi les lauréats: http://bit.ly/31ovKny

D'Ausstellung ass den Ofschloss vum Liesspill "Top 5 - D'Kannerjury", wat all Jor vun der Initiative 'Plaisir de Lire asbl' fir d'C3.2.Klassen organiséiert gëtt. Et geet hei drëms, aus enger Selektioun vu 14 Bicher d'Lieblingsbuch vun der Klass erauszesichen. D'Schüler sollen erklären, firwat si dat betreffend Buch ausgewielt hunn a sollen och eng Illustratioun, Bastelaarbecht oder Foto iwwert d'Buch aschécken.

E Freiden den 3.Mee wor de lëtzebuerger Auteur Jacques Steffen bei eis am Cycle 4 an huet an 2 Klassen aus sénge franséische Kannerbicher virgelies a sech mat de Schüler iwwer d'Schreiwen ënnerhal.

E Freiden virun der Ouschtervakanz (5.4.19) hat d'Ekipp vum Cycle 4 e ganzen UNESCO-Moien geplangt. An den eenzelen Atelieren goufen de Schüler verschidde Sujeten ronderëm d'UNESCO méi nobruecht: d'Wäerter vun der Unesco, mir als UNESCO-Schoul (Wat ass eng Unesco-Schoul?), d'Unesco-Welterbe (Wat gëtt do alles geschützt?). Zu deenen Themen kruten d'Schüler an Atelieren Informatiounen a si hunn dat och kreativ ëmgesat. Dëst gëtt dann alles fir d'Aweiung vum neie Schoulgebai (17.5.19) ausgestallt.

D'Wieder huet net ganz matgespillt, mee trotzdeem hate mer all e ganz flotten a sportleche Moien, bei deem d'Kanner ganz ënnerschiddlech Sportaktivitéiten kennegeléiert hunn: Basket, Fussball, Dëschtennis, Rugby, Volleyball, Karate, Kloteren, Danzen, Petanque, Badminton (Fiederball), Cantienica, Spiller bei de Pompjeeën an an der Schwämm. Als Ofgeschloss si mer dunn all zesummen eppes méi wéi 1 km gelaf. Merci all de Bénévolen déi en Atelier fir d'Kanner ofgehal hunn an och den Elteren vun der APE fir déi gesond Stäerkung an der Paus.

E Freiden de Moien (11.1.) wor d'Christiane Kremer bei eis an der Schoulbibliothéik fir de Kanner vum Cycle 2 aus sénge Bicher virzeliesen.

D'Schüler vum Cycle 4 woren och dëst Jor nees am CIPA fir ënnert der Leedung vum Roland Schiltz a begleet um Piano vum Susi Baldauff e Concert mat Krëschtlidder ze ginn.

Marché de Noël 2018

Am Mittwoch, dem 17.10. war Jürgen Banscherus wieder bei uns zu Gast. Er hat den Klassen des C.2.2 und des C.3 aus seinen Büchern vorgelesen.

Inauguration du nouveau bâtiment scolaire (mai 2019)