Relais pour la vie 2022

Well mer nach ëmmer vun deem Virus geplot ginn, ass de Relais pour la vie och dëst Jor nees an der pandemiegemässer Outdoor-Variant duerchgefouert ginn. Jidderee konnt komplett fräi a flexibel iwwert de Weekend zu Fouss oder per Bike fir déi gutt Saach a Beweegung sinn. Ronn 70 Leit haten sech an der Syrdallschoulen-Ekipp ageschriwwen, Enseignanten an Eltere mat hire Kanner an/oder Hënn, si all hunn um Weekend vum 26.-27. Mäerz aktiv hir Solidaritéit mat alle Kriibskranke gewisen a Sue fir d’Kriibsfuerschung gesammelt. Mat der Hëllef vun den Elteren an den Enseignantë konnte mer insgesamt 4570 Eur (Participatiounsbeitrag an Donen) un d'Fondation Cancer iwwerweisen. Iech all en décke Merci fir ären Asaatz!