En Méindeg, den 12. Januar 2015, war d’Madame Nash an hiren Mann (ASA asbl / Amicale vun der Schoul fir Assistenz Hënn) mat 2 Assistenz Hënn ob Besuch bei der 7O2. Och dëst Joer huet den Sportlycée sech rëm um Projet „En Stopp fir den Mupp“ bedeelegt, an fläisseg Stëpp gesammelt.
Et goufen am Ganzen 400 Kilo Stëpp gesammelt, dovun huet d‘7O2 alleng 126 Kilo ob d ‘Wo bruecht. Soumat huet si sech den Besuch vun den Assistenz Hënn garantéiert. Den Dag vun der Visite hun die zwee Hënn all hier Kompetenzen ënner Beweis gestallt, an mat diversen Aufgaben an Opfuerderungen vun der Madame Nash iwerzeecht. En Brëll ausdoën, en Schaaf opmaachen oder och rechnen, war alles keen Problem fir di zwee Assistenz Hënn, déi speziell dorop trainéiert gin, behënnerten oder och eeleren Persounen eng alldeeglëch Hëllef ze sinn.
D ‘Schüler waren begeeschtert, an den Sportlycée seet der Famill Nash an der ganzer ASA asbl villmools Merci fir hiren Besuch. Mir wäerten eis och déi nächst Joëren um Projet „E Stopp fir de Mupp“ bedeelegen, an fläisseg Stëpp sammelen fir d ‘Ausbildung vun Assistenz Hënn ze finanzéieren.