D'Planspiel Börse ass e virtuellt Bourse-Simulatiounsspill, dat zu Lëtzebuerg vun der Spuerkeess organiséiert gëtt. Et ass fir Schüler, Studenten oder jonk Erwuessener geduecht, fir hinne wirtschaftlecht Denken an den Ëmgang mat Aktien a Finanzmäert nozebréngen – op eng spilleresch a realistesch Aart.
Wéi funktionéiert et?
- Jiddwer Team kritt e virtuellt Startkapital (50.000 €).
- Mat deem Geld kënnen d'Teams Aktien, ETFen oder aner Finanzprodukter op enger simuléierter Bourseplattform kafen a verkafen.
- Et gëtt mat reelle Bourssecoursen geschafft – d’Präisser beweegen sech wéi an der realer Welt.
- D’Zil ass et, an engem bestëmmten Zäitraum méiglechst vill Gewënn ze maachen.
Wat léiert een dobäi?
- Grondwëssen iwwer d’Finanzmäert
- Strategescht Denken
- Analyse vun ekonomeschen Neiegkeeten
Am Sportlycée hunn eng Rei Deuxième- a Première-Schüler beim Planspiel Börse matgemaach. An dat mat groussem Succès.
De Kevin Nunes Dos Santos vun der 2D huet déi 1. Platz gemaach an et fäerdeg bruecht aus 50.000 € Startkapital a knapp 3 Méint der 61.733 € ze maachen ( +23,47%).
Den Davide Bonfanti vun der 2D huet mat enger 6. Platz an engem Plus vun 19,80% och e super Resultat opweises.
Si goufen wärend der Award Ceremony an de Raimlechkeete vum Luxembourg Stock Exchange fir hir Performance geéiert an hunn och e flotte Präis gewonnen.