Den Donneschden 10. November ass den éischten Tour vum Laselbasketchampionnat a 6 Poulen ausgedroen ginn. Den Éischten aus all Poule kennt een Tour weider.
Déi motivéiert Sportlycéesequipe huet mat deenen anere Schoulen op den Arbitter gewaart, dee leider net komm ass. Eise Federatiounstrainer huet sech hiergi fir ausser an eise Matcher seng Arbitterkarriär rëm opliewen ze loossen. Merci Rumen.

Den éischte Match géint de Athenée war no véier Minutte kloer an eis Equipe huet 23-13 gewonnen. Am zweete Match géint d’Ecole européenne huet et déi éischt Halbzeit net gutt ausgesinn, mee eis Starting Five hunn an der zweeter Hallschent besser zesumme gespillt an de Match 25-17 ofgeschloss. De leschte Match géint de Lycée vu Lamadelaine dee mat 29-14 op en Enn gaangen eis huet eis dunn déi verdéngten éischt Plaz an eiser Poule beschert.

Weider geet et den 1. Dezember.