Nom Depart vum Raymond Conzemius bei de COSL ass de Pascal Schaul den 1. November 2020 als neien Direkter vum Sportlycée genannt ginn. Hien war scho säit 2012 Directeur adjoint an huet den Opbau vun de Centres de formation a vum Sportlycée vun Ufank u mat begleet.
De fräie Poste vum Directeur adjoint huet säit dem 11. Dezember de Yann Schneider iwwerholl. No sengem Stage als Sportsproff am Lycée Classique de Diekirch huet de Yann Schneider zu Réiden am Atert-Lycée geschafft, wou hie säit 2010 och Attaché à la direction war. Vun 2019 un, war hien op der ENEPS (Ecole Nationale de l’Education Physique et des Sports) aktiv.
Zesumme mam Serge Thilmany a Jeff Wampach (attachés à la direction) ass d’Direktiounsekipp elo rëm komplett a freet sech drop de Sportlycée mat vill Energie weiderzëentwéckelen.