EduMoodle vs. OneDrive

Wéi ennerscheeden se sech

EduMoodle ass opgebaut op di fräi Software Moodle an ass e gratis « Course Management System », mat deem den Enseignant e Cours kann erstellen an zum Beispill folgend Saache ka maachen:

• Dokumenter deelen;
• Tester erstellen a verbesseren;
• Statistike vun de Schüler hire Resultater gesinn;
• Presencen huelen;
• ...

D’Schüler kënnen entweder iwwert d’App oder iwwer d’Desktop-Versioun Accès op d’Dokumenter kréien. Si kënnen zum Schluss och de Cours anonym evaluéieren.

Hei e Screenshot vun der App-Versioun vu Moodle:

OneDrive ass e « File Hosting Service », mat deem ee kann Dokumenter eroplueden, synchroniséieren a sharen. Den Accès ass entweder iwwer d'App oder iwwert e Web Browser, an de OneDrive ass gratis an der Suite vum Office 365 mat dran.

Well d’Schüler jo all eng Lizenz fir den Office 365 hunn an Accès iwwert hiren  IAM, bitt sech d’Schaffe mam OneDrive un. Klassegruppe kann ee ganz einfach erstellen, well all Schüler duerch säin IAM schonn am System mat dran ass.

Den Enseignant kann decidéieren, ob en Dokument « read only » ass oder ka vun de Schüler beaarbecht ginn. D’Schüler kënne hir Aufgaben eroplueden oder gläichzäiteg un engem Dokument schaffen.

De OneDrive ass ideal, fir manner Photokopie mussen ze maachen, a gëtt de Schüler eng relativ Liichtegkeet, fir méi organiséiert ze sinn.

 

Kim Heuskin, Christine Jehle, LAM