8

N

Déi Reegel gëtt och Äifeler Reegel genannt.


Beispiller

 

Deene Leit gi vill Sue verluer, wa mir hinnen da kee Bréif kënne schreiwe fir se z’informéieren.

Deene Jongen hu mer Suen ugebueden; wann déi se dann zréckginn, brauchen se keen Zëns ze bezuelen.

 

 Den n oder nn um Schluss vum Wuert gëtt just geschriwwen, wann en och gesot gëtt ,
d. h. virum engem Vokal oder virun n-d-t-z-h oder virun Punkt a Komma.


nn

D’Prinzipien 

 

Den n oder nn um Enn vum Wuert gëtt geschriwwe virun engem Vokal, virun n, d, t, z, h, a viru Sazzeechen : 

den Numm, en Déier, den Tunn, en hallwen Teller, en Job fannen, siwen Cent, mäin Hummer, 

den alen Änder, den décken Yves, deen aneren Apel; mäin A; 

dann awer ginn all d’Jongen an den ieweschte Sall; ech wëll kënne liese léieren; wëssen, kënnen, wëllen; wann ech wëll, da kann ech

Déi englesch Buschtawen j an c am Ufank vum Wuert ginn dacks wéi dsch oder ts geschwat, da bleift den n oder nn:

en Job fannen, en Cent ausginn  


Soss gëtt den n oder nn um Enn vum Wuert gewéinlech net geschriwwen:

de Virnumm, e Kallef, de Marc, 

e grousse Becher, de Jean fannen, siwe Frang, mäi Bic, de léiwe Jean-Paul, de klenge Franz, deene meeschte Pijen, mäi Been; 

da gi vill Jongen a Veräiner; ech wëll kënnen anescht liesen; wa Kanner wëllen liesen, da léiere se gutt; se si geschwë fäerdeg

Den n oder nn um Enn vu Substantiven oder Nimm gëtt awer geschriwwen a fält net ënnert d’n-Reegel:

d’Reunioun gëtt gehal, ech hu mer de Kënn raséiert, d’Léierin gesinn, d’Maschinn flécken, an Ungarn reesen

AUSNAM: wann hannen -äin oder -en steet, dann zielt d’n-Reegel, da fält den n awer ewech: 

de Wäi gëtt gedronk, d’Meedche ka muer de Moie kommen


Den nn um Enn vu verschiddene kuerzen Adjektiver gëtt ëmmer geschriwwen:

déi blann Sai, déi ronn Bäich, ech sinn dënn ginn

Den n oder nn um Enn vum Wuert ka geschriwwe ginn, muss awer net, virun säin, si, se, sech oder seng:

si gi(nn) sech net, ech hu(nn) se gesinn, dem Wäi(n) säi sëffegen Aroma

Bei zesummegesate Wierder gëllen déiselwecht Reegelen:

Wäikinnegin, Spuenierees, Kënnstoppelen

 

 

Reegelen an Exercicen


1


(um Site vum LOD)

arrow

RIEDENSAARTEN AN ZITATER

 

 

Dreckskëscht, lauschter no, ech soen der elo eppes, wat s de kengem däerfs weiderverzielen. Oder neen, ech sangen der et. Dann héiert et sech nach besser un. A wat da geschitt, ass mir egal. Ech fleeten drop.
Jemp Schuster. De Fleetebam, 1999.

An d’Kanner loossen hire Kaffi ston, Fir deene schéinen Hämmel nozegon,
Michel Lentz. D’Schuebermëss. Spaass an Ierscht, 1873.
Et wor e Meedche vu Gëtzen, oho!
Mat Aen ewéi feiereg Blëtzen, oho!
't wollt alle Männer gefalen,
fir mat senge Freier ze bralen, oho! oho!

't huet nëmme gedanzt a gesprongen, oho!
Gekickelt, gerolzt a gesongen, oho!
Max Goergen. D'Meedche vu Gëtzen
Et wor eemol e Kanonéier,
E louch do uewen op der Rhum,
Méi schéi wor nach kee Grenadéier,
A Gottlieb Hurra wor säin Numm.
Dicks. D'Mumm Séis oder De Geescht. 1856
Ech hu sou gär, wann den Händi
a menger Täsch
ufänkt
Musek ze maachen
Roger Manderscheid. Tëlefonitis.
D’Magali flitt an den Himmel. 2001.

Ech hu léiwer Cola, Döner, puer Béier an eng Pizza, Mëllech, Mëtschen an dat Ganzt dann an de Mixer
Tommek. Vitaminnentherapie. 2015
Wollt déi kleng Zatz net eventuell mam Feier spillen? A wee ka scho mat Sécherheet soen, ob déi Bëssspuren am Rotkäppchen sengem Hals Deel ware vun enger Aggressioun oder net awer éischter vun engem zwiliichtege sexuelle Spillchen?
Nobody fucks with the Rotkäppchen.
Claudine Muno. Fabula Rasa. Hydre éditions, 2013

Dee mat de groussen Hënn wëllt pisse goen, muss d’Been héich ophiewen.
(Verhonziklopedi. Pol Tousch)

Exame sinn am Fong geholl jo näischt anescht ewéi Poker. Et geet dorëm, an de richtege Momenter déi richteg Kaarten auszespillen an an anere Momenter ze bluffen.
Luc Belling. An elo mol ... op Lloret! 2016