ei wéi bei hei:

deier, Eil (däitsch: Eule), leieren, Gewei, leien, Meis (däitsch: Meise)

ai steet just bei Wierder, déi vun au hierkommen, oder awer vum däitschen oder vum franséischen ai: 

Lais, Haiser, Gebai, Mais (däitsch: Mäuse, Mais), Pai

äi wéi Wäin:

Däiwel, Äis, Käil, Bäich, Bläi, mäi Wäin, hie läit, Mäifel

éi wéi Béier:

Déier, Éil (däitsch: Aal), léieren, wéi, léien, Méi

au wéi Fauscht a wéi Laun:

Auer, Daum, Drauf, klauen, sauer, haut
Bauch, Fauscht, Haut, lauschteren

ou wéi bei Kou:

Bouf, Brout, Kou, Schoul, wou

Mee a franséische Wierder gëtt den ou wéi en u geschwat:

Coupé, Clou, Coup

oi als Diphthong steet just bei Boiler a Koi, soss stinn eu, äu, ue: 

lëtzebuergesch, euphoresch, Europa, äusseren, enttäuscht

Bei de Wierder Moien a moies ass de Laut oi keen Diphthong, well en sech op zwou Silbe verdeelt.

A franséische Wierder gëtt oi wéi am Franséische geschwat: 

Trottoir, Besoin

ie ass meeschtens en Diphthong, ni e laangen i: 

Biedem, Lieder, Briet, zielen (däitsch: zählen)

ie gëtt heiansdo getrennt geschwat:

Plien

ue ass meeschtens en Diphthong: 

Buedem, muelen, Ueleg, fueren

ue gëtt heiansdo getrennt geschwat:

Suen

ae, oe si keng Duebellauter, mee si gi getrennt geschwat: 

Fraen, knaen, boer, Joer, goen, kloer